An-Najm 53:50 وانه اهلك عادا الاولى ٥٠

53:50

وَأَنَّهُۥٓ

أَهۡلَكَ

عَادًا

ٱلۡأُولَىٰ

٥٠

Na kwamba Yeye ndiye aliye waangamiza A'di wa kwanza, ¹

Endelea Kusoma

Soma Tafsir

Dr. Abdullah Muhammad Abu Bakr and Sheikh Nasir Khamis

Na kwamba Yeye, Aliyetakasika na kutukuka, Aliwaangamiza 'Ād wa mwanzo, nao ni watu wa Hūd.

Zaidi Tafsir

Soma Maudhui Yanayohusiana

Sura 53, Ukurasa 528, Juzuu 27

33. Je! Umemwona yule aliye geuka? 34. Na akatoa kidogo, kisha akajizuia? 35. Je! Anayo huyo ilimu ya ghaibu, basi ndio anaona? 36. Au hakuambiwa yaliyomo katika Vitabu vya Musa? 37. Na vya Ibrahimu aliye timiza ahadi? 38. Ya kwamba hakika nafsi iliyo beba madhambi haibebi madhambi ya mwengine? 39. Na ya kwamba hatapata mtu ila aliyo yafanya mwenyewe? 40. Na kwamba vitendo vyake vitaonekana? 41. Kisha ndio atalipwa malipo yake kwa ukamilifu. 42. Na kwamba kwao Mola wako Mlezi ndio mwisho. 43. Na kwamba Yeye ndiye anaye leta kicheko na kilio. 44. Na kwamba Yeye ndiye anaye fisha na kuhuisha. 45. Na kwamba Yeye ndiye aliye umba jozi, dume na jike 46. Kutokana na mbegu ya uzazi inapo miminwa. 47. Na kwamba ni juu yake ufufuo mwengine. 48. Na kwamba ni Yeye ndiye anaye tosheleza na kukinaisha. 49. Na kwamba hakika Yeye ndiye Mola Mlezi wa nyota ya Shii'ra. 50. Na kwamba Yeye ndiye aliye waangamiza A'di wa kwanza, 51. Na Thamudi hakuwabakisha, 52. Na kabla yao kaumu ya Nuhu. Na hao hakika walikuwa ni madhaalimu zaidi, na waovu zaidi; 53. Na miji iliyo pinduliwa, ni Yeye aliye ipindua. 54. Vikaifunika vilivyo funika. 55. Basi neema gani ya Mola wako Mlezi unayo ifanyia shaka? 56. Hili ni Onyo katika maonyo yale yale ya zamani. 57. Kiyama kimekaribia! 58. Hapana wa kukifichua isipo kuwa Mwenyezi Mungu. 59. Je! Mnayastaajabia maneno haya? 60. Na mnacheka, wala hamlii? 61. Nanyi mmeghafilika? 62. Basi msujudieni Mwenyezi Mungu, na mumuabudu.

- Swahili Translation - Ali Muhsin Al-Barwani