Ash-Shuaraa 26:187 فاسقط علينا كسفا من السماء ان كنت من الصادقين ١٨٧

176. Watu wa Machakani waliwakanusha Mitume. 177. Shuaibu alipo waambia: Je! Hamfanyi mkamchamngu?. 178. Hakika mimi kwenu ni Mtume muaminifu. 179. Basi mcheni Mwenyezi Mungu, na nit'iini mimi. 180. Wala sikutakini ujira juu yake. Ujira wangu hauko ila kwa Mola Mlezi wa walimwengu wote. 181. Timizeni kipimo sawa sawa, wala msiwe katika wanao punja. 182. Na pimeni kwa haki iliyo nyooka;. 183. Wala msiwapunje watu vitu vyao, wala msifanye jeuri kwa ufisadi. 184. Na mcheni aliye kuumbeni nyinyi na vizazi vilivyo tangulia. 185. Wakasema: Hakika wewe ni katika walio rogwa. 186. Na wewe si chochote ila ni mtu tu kama sisi, na kwa yakini tunakuona wewe ni katika waongo. 187. Hebu tuangushie vipande kutoka mbinguni ikiwa wewe ni miongoni mwa wasemao kweli. 188. Akasema: Mola wangu Mlezi anajua zaidi mnayo yatenda. 189. Basi walimkanusha, na ikawashika adhabu ya siku ya kivuli. Hakika hiyo ilikuwa adhabu ya siku kubwa. 190. Hakika katika hayo ipo Ishara, lakini hawakuwa wengi wao wenye kuamini. 191. Na hakika Mola wako Mlezi bila ya shaka ndiye Yeye Mwenye nguvu Mwenye kurehemu.

- Swahili Translation - Ali Muhsin Al-Barwani