Tafsir: Al-A'raf 7:83

[ فَأَنْجَيْنَاهُ وَأَهْلَهُ إِلَّا امْرَأَتَهُ كَانَتْ مِنَ الْغَابِرِينَ (٨٣) ] خوای گه‌وره‌ ئه‌فه‌رمووێ: خۆی و كه‌سوكاریمان ڕزگار كرد چونكه‌ كه‌سى تر ئیمانى پێ نه‌هێنا بوو جگه‌ له‌ خانه‌واده‌كه‌ى خۆى، وه‌ ته‌نها خێزانه‌كه‌ی نه‌بێ چونكه‌ باوه‌ڕدار نه‌بوو سزا ئه‌ویش گرته‌وه‌، وه‌ (لوط) میوانی بهاتایه‌ ئه‌ڕۆیی خه‌ڵكه‌كه‌ی ئاگادار ئه‌كرده‌وه‌ له‌ میوانه‌كانی (لوط) بۆ ئه‌وه‌ی بێنه‌ سه‌ریان، ئه‌و ئافره‌ته‌یش له‌ناو ئه‌و كه‌سانه‌ مایه‌وه‌ كه‌ له‌ناو سزای خوای گه‌وره‌دا بوون وه‌ سزای خوای گه‌وره‌ گرتنیه‌وه‌و له‌ناوى بردن.