An-Nisa 4:94 يا ايها الذين امنوا اذا ضربتم في سبيل الله فتبينوا ولا تقولوا لمن القى اليكم السلام لست مومنا تبتغون عرض الحياة الدنيا فعند الله مغانم كثيرة كذالك كنتم من قبل فمن الله عليكم فتبينوا ان الله كان بما تعملون خبيرا ٩٤

Emwe bemeye Imana Allah n’Intumwa yayo bakubahiriza n’amabwirizwa yayo! Nimwafata inzira mugiye guharanira idini ry’Imana Allah, muritondera ivyo mukora n’ivyo mudakora muheze mutohoze neza, ntimuzohakane ukwemera kw’uwubaramukije indamutso y’amahoro atabarwanya ngo mumubwire muti: “Nturi umwislamu!”, kumbure yoba ari umwislamu anyegeza ukwemera kwiwe, ivyo mukabikora murondera kuronka ivy’isi bihera, burya ku Mana Allah ni ho hari ingabirano nyinshi zibakwiye. Ni nk’uko nyene na mwebwe mwanyegeza ukwemera kwanyu mu ntango y’ubwislamu, hanyuma Imana Allah Ibatera ingoga muraserura ukwemera kwanyu ata co mwinona. Ni kuri izo mvo rero, mwokwitondera ivyo mukora, maze mukabanza gutohoza. Mu vy’ukuri, Imana Allah Yamye Izi neza ivyo mukora vyose, ni Muhetuziwavyose, Izonabibahembera.