As-Saffat 37:8 لا يسمعون الى الملا الاعلى ويقذفون من كل جانب ٨

37:8

لَّا

يَسَّمَّعُونَ

إِلَى

ٱلۡمَلَإِ

ٱلۡأَعۡلَىٰ

وَيُقۡذَفُونَ

مِن

كُلِّ

جَانِبٖ

Amashetani rero, ntashobora gushika ahari abamalayika mu majuru ngo aheze asume urusaku kw’ihishurwa ry’ibijanye n’amabwirizwa, ivyagezwe hamwe n’ishirwa mu ngiro ryavyo. Amashetani ahirahiye agasuma urusaku, aca aterwa ibishirira vya nyakotsi biturutse ku mpande zose;

Read Tafsir

Ibn Kathir (Abridged)

The Adornment and Protection of the Heaven comes from Allah

Allah tells us that He has adorned the lowest heaven with the heavenly bodies for those among the people of the earth who look at it. The stars and planets in the sky give light to the people of earth, as Allah says:

وَلَقَدْ زَيَّنَّا السَّم

…

The Adornment and Protection of the Heaven comes from Allah

Allah tells us that He has adorned the lowest heaven with the heavenly bodies for those amo

…

More Tafsirs

Read in Context

Chapter 37, Page 446, Juz 23

1. Ndarahiye Jewe Allah, ku bamalayika batonda ku murongo mu gusenga; 2. No ku bamalayika basunika ibicu vy’imvura kw’itegeko ryanje; 3. No ku bamalayika basoma urwibutso n’amajambo yanje mu guhishurira Intumwa! 4. Mu vy’ukuri ga bantu! Imana yanyu mukwiye gusenga Itabangikanywa, ni Imana Imwe Rudende Allah. 5. Ni Yo Mana Rurema Yaremye amajuru n’isi n’ibiri hagati yavyo, ni na Yo Mubungabunzi w’izuba mu buseruko no mu burengero bwaryo. 6. Mu vy’ukuri Twebwe Allah, Twarasharije n’inyenyeri ijuru ryegereye isi; 7. Turaheza Turaribungabunga, kugira ntirivogerwe n’uwo wese mu ntagondwa z’amashetani; 8. Amashetani rero, ntashobora gushika ahari abamalayika mu majuru ngo aheze asume urusaku kw’ihishurwa ry’ibijanye n’amabwirizwa, ivyagezwe hamwe n’ishirwa mu ngiro ryavyo. Amashetani ahirahiye agasuma urusaku, aca aterwa ibishirira vya nyakotsi biturutse ku mpande zose; 9. Akirukanwa kugira ntashobore gusuma nya rusaku, yaranategekanirijwe n’ibihano vyamaho mu buzima bw’inyuma yo gupfa; 10. Kiretse shetani isamiye hejuru ijambo rimwe muri iryo suma ry’urusaku, igaca iribwira iyiri musi yayo; ino na yo ikaribwira iyindi iri musi yayo gushika ku yiri kw’isi. Hari n’aho rero, ikurikizwa igishirira ca nyakotsi kikayiturira imbere yuko iribwira iyiri musi yayo. Hari n’igihe bishika rero mu vyagezwe n’Imana Allah, ikarisamira hejuru ikaribwira iyiri musi yayo imbere yuko ishikirwa na nya gishirira kikayiturira, maze iya nyuma muri yo ikarishikiriza ba senyagara n’abapfumu, na bo bagaca baryuhirako ayandi majambo ijana y’ikinyoma. 11. Ntumwa y’Imana! Baza abahakana bivuye inyuma izurwa ry’ibiremwa, ko iremwa ryabo ari ryo rigoye cane gusumba iremwa ry’ibindi biremwa Twaremye! Mu vy’ukuri Twebwe Allah, Twaremye se wabo Adamu mw’ivu ribomvye.

- Kirundi Translation - Yusuf Gheti