قرآنی آیات

سبق اور تدبر

"ہم تنہائی یا نجی محفلوں میں جو کچھ بھی کہتے ہیں، خاص طور پر جب اس میں دوسروں کا ذکر ہو، تو اس کا زیادہ تر حصہ فضول یا نقصان دہ ہوتا ہے۔ لیکن اللہ تعالیٰ نے ان چند ایک خاص باتوں کو  نمایاں فرمایا ہے جو اجر و ثواب کا باعث بنتی ہیں: ایسے کلمات جو صدقہ و خیرات کی ترغیب دیں، نیکی اور بھلائی کو فروغ دیں، یا لوگوں کے درمیان صلح (دلوں کو دوبارہ جوڑنے) کا ذریعہ بنیں۔ یہ وہ الفاظ ہیں جو انا (Ego) سے نہیں، بلکہ محض اللہ کی خوشنودی اور خلوصِ نیت سے نکلتے ہیں۔"

"قرآن ہمیں ہدایت دیتا ہے کہ 'لوگوں سے نرمی کے ساتھ بات کرو'۔ یہ ایک مختصر سا جملہ ہے، لیکن ایک بہت بڑی ذمہ داری ہے۔ گفتگو میں نرمی اور حسنِ کلام کا مطلب خوشامد یا حق بات سے پہلو تہی/گریز کرنا نہیں ہے، بلکہ اس کا مطلب ایسے سچے، فائدہ مند اور خوبصورت الفاظ کا انتخاب کرنا ہے جو اعتماد کو پروان چڑھائیں، امن قائم کریں اور دوسروں کو بلاوجہ کی اذیت پہنچانے سے بچیں۔".

"جب ہم خود کو غیبت کرنے سے روکتے ہیں، خاص طور پر غصے، جھنجھلاہٹ یا (نفس کے) بہکاوے کے لمحات میں، تو اللہ اس قربانی کو دیکھتا ہے۔ جب ہم کسی کی غلطی کو بے نقاب کرنے کی خواہش کے خلاف مزاحمت کرتے ہیں اور اس کے بجائے ان کے لیے دعا کرتے ہیں، تو اللہ اس عمل کو اپنی خاطر پیش کی گئی ایک قربانی کے طور پر درج فرما لیتا ہے۔"

"یوں زبان کی حفاظت کرنا عبادت بن جاتا ہے۔ خاموشی کا ایک لمحہ قیامت کے دن ڈھال بن سکتا ہے۔ اور ایک روک لیا گیا (برا) لفظ ایسے اجر کا باعث بن سکتا ہے جسے رحمان کے سوا کوئی نہیں جانتا۔"

حدیث

نبی کریم ﷺ نے فرمایا: ”جو شخص مجھے اس چیز کی ضمانت دے دے جو اس کے دو جبڑوں کے درمیان ہے (زبان) اور اس چیز کی جو اس کی دو ٹانگوں کے درمیان ہے (شرمگاہ)، تو میں اسے جنت کی ضمانت دے دوں گا۔“
صحیح بخاری: 6474

عملی سرگرمی

"آج یہ نیت کریں کہ آپ اپنی زبان کی حفاظت خاص طور پر اللہ کی رضا کے لیے کریں گے—صرف جھگڑوں سے بچنے کے لیے نہیں، بلکہ اسے ایک عبادت سمجھ کر۔ ہر گفتگو شروع کرنے سے پہلے دل ہی دل میں کہیں: ’اے اللہ! میری مدد فرما کہ میں صرف وہی کہوں جو تجھے پسند ہو۔‘ پھر رات کو ان لمحات پر غور کریں جب آپ (اپنی زبان پر قابو پانے میں) کامیاب رہے، اور اللہ کی اس مدد پر اس کا شکر ادا کریں۔"

دعا

اللَّهُمَّ أَلْهِمْنِي رُشْدِي، وَقِنِي شَرَّ نَفْسِي

ترجمہ: "اے اللہ! میرے دل میں وہ بات ڈال دے جو میرے لیے راہِ راست (ہدایت) ہو، اور مجھے میرے نفس کے شر سے محفوظ فرما۔"

تدبر کا سوال

"جب میں گفتگو پر خاموشی کو ترجیح دیتا ہوں، تو اللہ مجھے روحانی یا معاشرتی طور پر کن چیزوں سے بچا رہا ہوتا ہے؟"